2022 жылғы 1 қазандағы жағдай бойынша 13 362 этникалық қазақ тарихи отанына оралып, «қандас» мәртебесін алды. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Жалпы 1991 жылдан бері республикаға 1 миллион 101,2 мың этникалық қазақ оралды.

2022 жылдың басынан бері Қазақстанға келген қандастың жартысынан көбі Өзбекстаннан — 68,7%, Қытайдан — 10%, Түркіменстаннан — 7,9%, Моңғолиядан — 4,6% және 8,8%-і басқа елдерден.

Олар негізінен Алматы (29,9%), Маңғыстау (16,7%), Түркістан (9%), Жамбыл (6,5%) облыстарына, сондай-ақ Астана (7,8%), Шымкент (7,3%) және Алматы (5,8%) қалаларына қоныс аударған.

2022 жылғы 1 қазандағы жағдай бойынша еңбекке жарамды жастағы этникалық көшіп-қонушылар — 58,7%, еңбекке жарамды жасқа толмағандар — 27,5%, зейнеткерлер — 13,7%.

Еңбекке жарамды жастағылардың 13,2%-інің жоғары білімі бар, 38,9%-інің арнаулы орта білімі бар, 46%-інің жалпы орта білімі бар, 1,8%-інің білімі жоқ.