Қазақстандық екінші сынып оқушыларының оқу бағдарламасынан шет тілі пәні алып тасталуы мүмкін. Бұйрық жобасы «Ашық НҚА» порталында жарияланды.

Оқу-ағарту министрлігі ұсынған құжатта 2023 жылдың 1 қыркүйегінен бастап екінші сыныптарда «Шет тілі» пәні алып тасталатыны айтылған. Сондай-ақ «Көркем еңбек» пәнінің орнына «Еңбекке баулу» және «Бейнелеу өнері» пәндері енгізілетіні айтылған.

Сонымен қатар төмендетілген оқу жүктемесімен 10-11 сыныптардағы үлгілік оқу жоспарларының вариативтік компонентіндегі 1 сағат «Шет тілі» пәніне беріліп отыр. Осылайша, 10-11-сыныптарда «Шетел тілі» бір сағатқа артады.

Бұдан бөлек құжатта оқушыға түсетін оқу жүктемесін азайту, STEM білім беру тәсілдері, тәрбиелік компонент негізінде жаратылыстану-математикалық пәндерді оқытуды күшейту туралы айтылған.

11 жылдық оқыту шеңберінде оқу бағдарламаларын жетілдіру бойынша жүйелі жұмыс Қазақстандық білім беру жүйесін білім берудің халықаралық стандарттық сыныптамасы деңгейіне шығаруға мүмкіндік береді және мектеп түлектеріне Еуропалық біліктілік шеңберінің қажетті деңгейлерін игеруге мүмкіндік береді,

делінген құжатқа түсіндірме жазбада.

Бұйрыққа түзетулер енгізу жобасы 24 сәуірге дейін қоғамдық талқылауда болады.