Лондон полициясының қызметкері Дэвид Кэррик әйелдердің көпшілігімен түрлі танысу сайты арқылы кездесіп, барлығы 49 қылмыс жасаған, ол 9 рет әріптестерінің назарына іліккенімен, ешқашан оған қатысты тергеу шаралары қолданылмай келген. Ол тек 2021 жылы қамауға алынып, қызметінен босатылды.

Кэррик жиырма жылға жуық уақыт ішінде 12 әйелге қатысты ондаған зорлау фактісін және басқа да жыныстық қылмыстарды мойындады.

Хартфордширде тұратын Кэррик 2003-2020 жылдар аралығында қылмыстарының көп бөлігін сол жерде жасаған. Ол танымал онлайн танысу сайттарында әйелдермен танысып, полиция қызметкерінің жағдайын пайдаланып, олардың сеніміне ие болады, содан кейін оларды толық бақылауға алып, не кию, не жеу және қайда ұйықтау керек екенін айтып отырған. Ол тіпті кейбіреуіне балаларымен араласуға қатаң тыйым салған.

Тек 2021 жылдың қазан айында, басқа лондондық полиция қызметкері Уэйн Казенспен болған жанжалда Кэрриктің құрбандарының бірі ол туралы полицияға шағымдануға шешім қабылдаған кезде ғана қамауға алынады.

Ол әйелдерді аяусыз қорлап, оларды мазақ қылды, зорлады, уақыт өте келе қылмыстары ауыр түрге ауыса берген, өйткені ол бұл істен құтылып кетемін деген сенімде болған.

Парламент мүшелері мен дипкорпус қызметкерлерін күзетуге арналған арнайы бөлімде қызмет еткен Кэррик кейбір әйелді бірнеше ай, тіпті жылдар бойы, кейде физикалық күш қолдану және жарақат алу арқылы бірнеше рет зорлағанын мойындады. Ол сондай-ақ өзінің кейбір құрбанын, атап айтқанда әйелдердің бірін күшпен ұстап, бірнеше рет баспалдақ астындағы қоймаға қамағанын айтты.