2023 жылы Путин бақилық болады. Өзі емес, қасындағылар «көмектесіп» жібереді. Путин 2024 жылды көрмейді. Тіпті ұзаққа созбай-ақ, алдағы наурызда «Путин өлді» деп әлем шулай жөнелсе – мен таң қалмаймын, дейді ресейлік тарихшы Дмитрий Чернышевский.

Ендеше, Путин өлгесін не болады?

Путиннің көзі құрыған соң, Ресейде билікке сұмдық талас басталады. Путин өлген күннің ертесінде Ресей армиясы Пригожинді өлтіреді. Армия мен ЧВК Вагнер арасында қанды қақтығыс болады.

Рамзан Кадыров өз республикасында ереуіл сияқты бірдеңе ұйымдастырмақ болады, бірақ оны шешендердің өздері-ақ өлтіріп тастайды.

Президент тағына отыратын премьер-министр өз билігін нығайту үшін орыс әскерін Украинадан шығарып, Путиннің басып алған жерлерінің бәрін Украинаға қайтарады. Ресейдің бюрократиясы мен қалың бұқара халқы соғыстың тоқтағанын қалайды. Ресей халқының бәрі фашист емес. Шындығында, фашистік Z-каналдарды халықтың аз-ақ бөлігі қолдайды, онда отыратындардың көбі ұсақ шенеуніктер мен пропагандистер. Соғыс біте салысымен Ресейдегі фашистік сандырақтың бәрі жоқ болады.

Ресей тез өзгереді. Жаңа президент жемқорлықтың түп-тамырын жұлуға кіріседі. Ресейден бөлінгісі келетін республикаларды босатып қоя береді. Оның көзірі сол болады. Өйтпесе оны президент тағынан ығыстырып тастайды. Ол 91 жылғы Ельциннің күйін кешеді, оның басты жауы – чекистер болады.

2023 жылы Путин өлген соң, Ресей лоялистік, заңды жолға түседі. Путиннің барлық қылмыскерлері шетінен сотталады. Ресей жаһандық таласы бар шала империя емес, кәдімгі дені дұрыс мемлекетке айналады. Империяның елесін қуу идеясы осымен өлді. 2023 жылға жасайтын болжамым осы,

дейді тарихшы.