АҚШ президенті Джо Байден елдегі адамдардың бір жынысты және нәсіларалық некеге тұру құқығын қорғау үшін «Некеге құрмет көрсету туралы» заңға қол қойды. Қол қою рәсімі сейсенбіде, 13 желтоқсанда Ақ үйдің оңтүстік көгалында вице-президент Камала Харристің, Сенат пен Өкілдер палатасындағы демократиялық көшбасшылардың, Америка Құрама Штаттарының бірінші ханымы Джилл Байденнің және ЛГБТ қозғалысы өкілдерінің қатысуымен өтті. Бұл туралы DW хабарлады.

Осы нүктеге апаратын жол ұзақ болды, бірақ теңдік пен әділдікке сенетіндер ешқашан бас тартқан жоқ. Көпшілігіңіз мен қол қояйын деп отырған заң үшін күресіп, қарым-қатынасыңызды, жұмысыңызды, өмірлеріңізді тәуекелге тіктіңіздер. Мен өз атымнан және бүкіл халықтың атынан рахмет айтамын,

деді Джо Байден.

Бұған дейін ел тұрғындарының біржынысты және ұлтаралық неке қию құқығын қорғау туралы заң жобасын екі партия өкілдері де Сенатта қолдаған болатын.