Мегаполистегі жолды бақылайтын бұл қандай құрылғы?

Объективі үлкен жаңа камера Саин мен Шығыс айналма жолында көзге түсті.

Sergek Group қызметкерлері kolesa.kz-ке түсіндіргендей, орнатылған құрылғы — тұнықтығы жоғары және күн сәулесіне қарсы полярланған арнайы көлік камерасы. Осылардың арқасында қараңғыда да тұнық сурет алуға болады.

Қазір Алматыда жаңа камерамен жабдықталған 30 аппараттық-бағдарламалық кешен бар, қала билігі осындай 300 кешен орнатуды жоспарлап отыр.

Компания мәліметі бойынша оптика жол ережесін бұзғанды көрсе де тіркемейді. Әзірге электрониканың функциялары өзгермеді. Камералар жүргізуші зебрадағы жаяу жүргіншілерді өткізе ме, қауіпсіздік белдігі тағулы ма, соны бақылайды.

Бұған дейін дәл осындай аппарат Астана, Ақтау және Өскеменде сынақтан өтті.