Алматыда 17 қазанда жылу беру маусымы басталды. Бұл туралы Алматы әкімдігі хабарлады.

Қала әкімі Ерболат Досаевтың тапсырмасы бойынша Алматыда 2022-2023 жылдарға арналған жаңа жылу беру маусымы 2022 жылдың 17 қазанында басталды. Жаңа жылу маусымының ашылуының белгіленген күні метеорология болжамдары мен облыстағы ауа райының күнделікті мониторингі негізінде анықталды.

— делінген хабарламада.

Алматы энергетика және сумен жабдықтау басқармасының хабарлауынша, жылу беру процесі кезең-кезеңмен жүзеге асырылады:

• Ең әуелі жылу балалар, емдеу, мектеп мекемелері, кәсіптік-техникалық училищелер, медициналық-әлеуметтік мекемелерге;
• тұрғын үйлер, жатақханалар, қонақүйлерге;
• әкімшілік ғимараттар, оқу орындары, театрларға;
• басқа ғимараттарға қосылады.