Сенатор Андрей Лукин, премьер-министрдің атына жолдаған депутаттық сауалында Алматы қаласының таулы және тау бөктеріндегі аудандарында жеке құрылысқа тыйым салуды ұсынды. Оның сөзінше Алматының тау бөктеріндегі заңсыз және ретсіз құрылыстар халықты толғандырып отырған көрінеді.

Қала табиғи ландшафтты жоғалту алдында тұр. Бұл маңызды проблемалар мен қала тұрғындарының өміріне зор қауіп төндіреді. Жеке тұрғын үй құрылысын салуға ғана рұқсаты бар жекеменшік құрылыс компаниялары бизнесті тексеруге мораторийді алға тартып, тау бөктерінде орналасқан рекреациялық аймақтарда көпқабатты тұрғын үй кешендерінің құрылысын жалғастырып келеді. Мұндай тау бөктері күрделі құрылысқа жарамсыз екені, осы учаскелерде құрылыс техногендік сипаттағы көшкіндерге әкелуі мүмкін екені ТЖМ тарапынан бірнеше рет айтылды,

деп атап өтті Лукин.

Сонымен қатар, ол тау бөктеріндегі ерекше ландшафтар белгілі бір адамдар тобының пайдаға кенелуіне байланысты жойылып кету қаупінде тұрғанын айтты.