Экс-президент туралы фильм түсіру үшін 7 миллион доллар кетіпті. Оған Қазақстан Республикасының Тұңғыш Президенті қоры қаражат бөлген, деп жазды  PROTENGE Telegram арнасы.

«Qazaq: Алтын адамның хикаясы» фильмі 2021 жылы жарық көрді.

Фильмді танымал американдық режиссер, «Оскар» сыйлығының иегері Оливер Стоун түсірген екен. Ол арнайы Қазақстанға келіп, Назарбаевпен ғана емес, оның жақындарымен де келіссөздер жүргізіпті.  

Қор тұңғыш президентіміз туралы фильм түсіру үшін 7 миллион доллар төледі. Осы қаражатқа қатысты ауқымды зерттеу қаңтар айында жарияланған болатын. Қордың қайырымдылықтан бөлек, миллиардтаған долларды құрайтын активтерді басқаратыны атап өтілді.

Бұған дейін Қазақмыстың Назарбаевтың қаражатына 79,4 млрд теңгені аударғаны белгілі болған еді. Ал бұл көрсеткіш тек соңғы төрт жылда ғана. Қазақмыс 2018 жылдан 2020 жылға дейін қаражатты осы қорға аударып отырған. Алайда, 2021 жылы ол өз қызметін тоқтатқаннан кейін оның орнын басқа салымшылар басқан. Дегенмен бұл туралы ақпарат жасырылған,

делінген хабарламада.

Келісімшарт сомасын журналист Михаил Козачков жария етті.

Фильмді қарағандар бар ма екен? Көрсеңіздер, бағасын беруді ұмытпаңыздар. Кино отандық кинотеатрларда көрсетілді. Одан кейін халықаралық деңгейге шықты. Мысалы – Минск.

Фильм Тұңғыш Президенттің сұқбатынан тұрады. Деректі туындыда Назарбаевтың балалық шағы, КСРО-ның күйреуі, демократияға апаратын жол, отбасы және тіпті ғұндар туралы әңгіме өрбіген. Дариға Назарбаева да фильмде жарқ етіпті.

Оливер Стоун саяси тақырыптарды арқау еткен фильмдердің режиссері ғана емес, ол Путин туралы да деректі картиналардың авторы.