«Бұрын қыз бала жұмыс істей алмайтын, үйін солай жасап алатын, қалыңмал деген мұқтаждық еді», дейді қазақтың ерке қызы.

Рас-ау! Қазір 21 ғасыр. Дені сау әр жігіт те, қыз да өз күнін өзі көре алады.

Бірақ!

Елдің саясаты – тіпті білімді жастарды түкке алғысыз етіп тастады. Небір жақсы қыз-жігіттерді жер қылып тастады. Ебін тапқан жағымпаз, алаяқ, суайттар көтеріліп жатыр. Дәл қазіргі кезеңде жастарға үйленуге ең үлкен кедергілердің бірі осы!

Қалыңмал – ер-азаматтың меселін түсіру!

Егер жігіттің жағдайы болмай жүрген кезең болса, (өмір сынақ, Қазақстанда тіпті, тозақ) көп әкеле алмайды. Шапан-шүберектері тағы бар. Сосын қыз жақ «қызды бағаламады, қорлады» деп, онсыз да басы жоқ қыздың болашақ отбасына сына қағады. Болды ғой одан кейін, қайдағы бақыт, қайдағы түсіністік?! Анау жігіттің меселін түсіріп, бәрінің алдында намысын жығып бердіңіздер ғой?!

Егер бір жігіт бай болса, ақымақ қыздар барлық жігіттерден соны талап ете бастайды. Тағы ер азаматтың меселін түсіреді. Қайдағы отбасы?

Қыздар, ақылдарың болса, ақымақтың тірлігін істемеңдер! Егер шын сүйісіп тұрсаңдар, ешкімге, тіпті ата-аналарыңа, азаматтарыңның меселін түсіруге жол бермеңдер! Бастысы, өзіңді қадірлеп, сүйіп тұрса, еңбекқор болса болды,

деген ақыл айтады жазба авторы.