Ұлттық экономика министрлігі Табиғи монополияларды реттеу комитетінің Алматы облысы бойынша департаменті су, электр қуаты және газ тарату қызметін көрсететін мекемелер мен жекеменшік субъектілерін жоспардан тыс тексеріп, бірқатар заңбұзушылықты анықтады.
Департамент дерегінше, тұрғындар мен заңды тұлғалардың шағымы бойынша жыл басынан бері «Сигма-ГАЗ» ЖШС, «ЖК Сервис» ЖК, «Есік су» МКК, «Таусамалы қызмет» МКК, «Іле су» МКК, «Балхашэнерго-1» ЖШС, «Аксу-2004» АӨК ҚР Кәсіпкерлік Кодексі және «Табиғи монополиялар туралы» ҚР Заңының орындалуын сақтау бойынша жоспардан тыс тексерулер өткен.
Осыған байланысты, жыл басынан бастап «Сигма ГАЗ» ЖШС-не табиғи монополиялар туралы заңды бұзды деген айыппен жоспардан тыс 3 тексеріс жүргізілген. Тексеріс нәтижесі бойынша 21 157 945,17 теңге әкімшілік айыппұл салынып, заңсыздықты жою жөнінде нұсқау берілген.
«ЖК Сервис» жеке кәсіпкерлігі уәкілетті орган бекіткен тариф бойынша қызмет көрсету міндетін орындамаған. Бұған қоса, ол суды уәкілетті орган бекіткен 1 текше метріне 80,80 теңгеден жеткізудің орнына, 150 теңгеден жеткізген. Соның нәтижесінде «ЖК Сервис» 159,9 мың теңге негізсіз табыс тапқан. Сонымен қатар «ЖК Сервис» 2021 жылы тұтынушылармен қызмет көрсету туралы жеке келісімшарт жасаспағаны, ал 2022 жылы жасасқан келісімшарттары уәкілетті орган бекіткен типтік келісімшартқа сай емес екені анықталып, 2 091 907 теңге әкімшілік айыппұл салынған.
«Таусамалы» мемлекеттік-коммуналдық кәсіпорны сумен қамту және электр қуатын жеткізу қызметін уәкілетті орган бекіткен тариф бойынша көрсетпеген. Компанияға 2 394 741 теңге әкімшілік айыппұл салынды. Ал «Ақсу-2004» АӨК Алматы облысы бойынша табиғи монополиялар субъектілерінің мемлекеттік тіркелімінің жергілікті бөлімінен шығарылды. Компания Еңбекшіқазақ ауданының шаруа қожалықтары үшін табиғи монополиялар субъектілерінің мемлекеттік тіркеліміне құжат өткізбей-ақ заңсыз су сатып келген.
Алматы облысы бойынша департамент ӘҚБтК-нің 164-бабының 3-бөлігіне сәйкес әкімшілік құқық бұзушылық туралы хаттамалар толтырылып, сондай-ақ ӘҚБтК-нің 462-бабының 1-тармағымен «Ақсу-2004» АӨК-не қатысты 345 000 теңгеге айыппұл салды. Ал «Есік су құбыры», «Іле су» мемлекеттік-коммуналдық кәсіпорындары және «Балхашэнерго-1» жаупкершілігі шектеулі серіктестігі табиғи монополияларды бұзбаған болып шықты,
деді департаменттің баспасөз қызметі.
Астана қаласының қылмыстық істер жөніндегі мамандандырылған ауданаралық сотымен «№2 және №5 нан базасы» «Астық қоймалары»…
Шымкент қаласы әкімінің бұрынғы бірінші орынбасары Мақсұт Исаховқа сот үкімі шықты. Экс-шенеунік 2023 жылдың шілдесінде тұтқынға…
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…