Шымкент, Түркістан, Алматы қалаларында заңсыз арақ шығаратын 40 цех жабылды.

Елдегі астыртын арақ өндірісі жаға ұстатарлық. Бұған дәлел де жоқ емес. Күні кеше ғана Қостанай мен Солтүстік Қазақстан облыстарында мың жарым литрге жуық спирттік өнім айналымнан шығарылды. Жасырын цехтардан тәркіленген ішімдіктер арнайы полигонда жойылды. Контрафактілі қойма Петропавл қаласында да анықталды. Бұл жерден 740 литр спирт, 50 литр коньяк құйылған ыдыс табылды. Ал алкоголь қауымдастығының басшысы бұл тұста шағын дүкендер мен қаладан шеткері базарларды тексеру қажет, дейді. Айтуынша, шалғайдағы өңірлерді қойып, Астананың өзінде пластик құтыға құйылған арақ саудаланып жатыр.

Ұсақ магазиндерде көлеңкедегі арақтың пластик бөтелкеге құйылған түрі анықталды. Астанада 3 нүкте табылды. Ол туралы үкіметтің тексеру органдарына хабарланды. Арақтың құрамындағы спирт пластикаға құйылғанда реакцияға түсіп улы зат шығарыды. Адам одан уланып қалу мүмкін.

Ал арзан деп сапасына бас қатырмайтындар ауруға душар болады, дейді, иммунологтар. Астыртын ішімдік жасаушылар алкогольді алмастырғыштардың басқа түрін қолдануы мүмкін. Мысалы, метил спирті этил спиртіне ұқсағанымен өте қауіпті. Оның аз мөлшерінің өзі адамды көз жанарынан айырады. Ал мөлшері артып кетсе, өлімге душар етеді. 

Биыл 1 мың 100-ден астам алкогол өнімдеріне зерттеу жүргізілген. Осы өнімнің 3 проценті күмән туғызыпты. Себебі таңбалануында нақтылық жоқ. Демек, құрамы күмәнді.

Әрбір тұтынушы алькогольдік өнімді бірінші таңбалануына, этикеткасына қарау керек. Ол өнім қайда шықты, өндіруші атауы, мекен-жайы, сақталу мерзімі құрамы бәрі болу керек. Толық ақпарат болмаса, шет тілінде жазылған немесе мемлекеттік аудармасы болмаса бұл бұзушылық болып табылады. Болмаған жағдайда сауда орнынан өнімднің қауіпсіздігі туралы құжатын сұрау керек.