3 шілдеде Атыраудың көптеген шағын аудандарында біраз уақыт электр жарығы өшіп, ауыз су тоқтады. Алдын ала мәлімет бойынша, бұған Маңғыстау атом электр комбинатының (МАЭК) №1 блогындағы апат себеп болған.

Артынша «Атырау мұнай өңдеу зауытының» бір мұнарасынан шыққан өрт қою қара түтінге ұласып, ауаға тарады. Атырау мұнай өңдеу зауытының баспасөз қызметі факелдегі өрт электр энергиясының қуатын мәжбүрлі түрде азайтқандықтан болды деп отыр.

«KEGOC» тарапынан электр энергиясының өшірілуі салдарынан зауыт жұмысын тоқтатты» деп хабарлады зауыттың баспасөз қызметі.

МАЭК Маңғыстау облысын ғана емес, БҚО мен Атырау облысын да ішінара электр энергиясымен қамтамасыз етеді. Комбинаттағы апаттан Маңғыстау облысы Жылыой ауданында да ішінара жарық сөнгені айтылады.

«Атырау-Жарық» мекемесінің баспасөз қызметі Ақтау қаласының сол жағында толығымен және оң жағындағы Балауса, Ракуш, Лесхоз, Авангард және Нұрсая, Жерұйық сияқты шағын аудандарда апатқа байланысты уақытша электр жарығы болмайтынын мәлімдеді. Кейін біртіндеп үйлерде жарық жана бастағанын тұрғындар хабарлап жатыр. Көшелердегі бағдаршамдар да кезекпен іске қосылды.

Апаттан қаза тапқандар мен жазаланғандар жоқ дейді.

Энергетика министрлігі «Атырау мұнай өңдеу зауытында» жарық сөнуге байланысты жұмысы тоқтағанын, бұл қадам апатты алдын алу үшін жасалғанын айтады.

Ведомство Шымкент пен Павлодар облысындағы мұнай өңдеу зауыттары жұмысын жалғастырып жатқанын мәлімдеп, «Атырау мұнай өңдеу зауытындағы» апаттық жағдай елдегі жанар-жағармай жағдайына кері әсер етпейді дейді.

«Атырау жарық» Атырау қаласында және ауылдық округтерге жарық берілгенін мәлімдеді. «Атырау мұнай өңдеу зауытында» да электр энергиясы қалпына келгені хабарланды.