Қытайдың Қазақстанда экономикалық тұрғыда өсуі көпшілік үшін қорқынышты оқиға болғанымен, іс жүзінде ол азайып барады. Бұл жақсы ма әлде жаман ба?

Белгілі қытайтанушы Әділ Кәукенов өзінің «Қазақ қытайтанушысының жазбалары» телеграм-каналында былай деді:

«Қазақстанда Қытай инвестиция көлемі бойынша 7-орынға түсіп кетті. Ал кезінде ол Қазақстанға салған инвестиция көлемі бойынша әрдайым үздік үштікке кіретін еді. Осының барлығы соңғы 6-7 жыл ішінде өзгертіле алмаған Қазақстан-Қытай экономикалық қарым-қатынасының тоқырау үрдісінің бір бөлігі.

Бұл тренд АҚШ-Қытай қақтығыстарымен байланысты болуы мүмкін. Шынында да, Дональд Трамптың президенттігі кезінде бірқатар ықпалды қазақстандық сарапшылар Қытайдан алыстауға кеңес берген еді. Олар АҚШ бірнеше жыл ішінде Қытай экономикасын жойып жібереді деп қате болжаған.

Мұндай сценарийлердің күлкілі екендігі туралы айтқан қытайтанушылардың пікірлері еш еленбеді. Болжам орындалмады, бірақ көңілде кірбің қалды деуге болады».

Саясаттанушы Марат Шибутов та онымен толық келіседі:

«Қазақстан мен Қытай арасындағы қарым-қатынас біздің еліміз үшін маңызды болып табылады, бірақ көбісі олардың Орталық Азия елдері мен Ресейдің Қытаймен қарым-қатынасына да әсер ететінін түсінбейді. Сондықтан оларды үнемі қадағалап отыру керек – бұл бәріне қатысты».