«Астана тек Қазақ емес, әлемнің астанасына айналады», дейді желіде Аяз Би деген біреу. «Айтқаным айтқан», дейді.

Алдымен Украинадағы соғыста Ресей тізе бүгеді.

Соғыс бітісімен, әлемдік қауымдастық регионалды қауіпсіздікті бақылауда ұстау үшін БҰҰ-ның тағы бір кеңсесін Астанадан ашатын болады. Қазір БҰҰ-ның штаб-пәтері Нью-Йоркте болғанмен қосымша кеңселері Венада, Женевада және Кения астанасы Найробиде бар. Ал халықаралық соты Гаагада. Ал, геосаяси, сан қилы өркениеттің текетіресі көп Азияда жоқ. БҰҰ-ның Азияда тағы бір штаб-пәтерінің болуы бұл заман талабына сай ауадай қажет дүние.

Қазақ аңсаған демократияны, өркениетті әлемдік қауымдастық орнатып беретін болады.

Қазақтан талап етілетін дүние: Сырттан келе жатқан ағайынды үркітіп алмас үшін ұрыс, жанжал шығарып алмай тұра тұру керек.

Тағы бір айта кететін дүние, Қазақстаннан бөлек, қысқа уақыт аралығында Орта Азия халқы, күллі түркі жұрты Қазақша тіл сындыратын болады. Бұл прогрессті өзге тұрмақ, өзіміз түсінбей қаламыз. Қазіргі БҰҰ-ғы жұмысшы орыс тілінің орнын Қазақ тілі алмастырмақ.

Қазақ жеріне БҰҰ-ның штаб-пәтерімен бірге өркениетті елдердің мыңдаған компаниялары еріп келетіні түсінікті. Сәйкесінше, Қазақстан дүниежүзілік қаржы, бизнес орталығына айналады. Сондықтан, Астана, Алматы, Шымкент сынды мегаполистерде шетелдіктердің саны Қазақтан көп болып кетуі ғажап емес. Ол кей Қазақтарға ұнамауы мүмкін.

Солай,

дейді ол…