Қазақстан Мұсылмандар одағы президенті Мұрат Телібековтың әйелі өзін күйеуі 10 жасар қызының алдында соққыға жыққанын мәлімдеді. Бұл туралы Arbat.media хабарлайды.

Мұрат Телібековтің әйелі Екатерина Чеканова бірнеше жылдан бері ерлі-зайыпты екеуінің арасында ұрыс-керіс болып жүргенін, оның соңы қол көтеруге айтады. Жақында екеуі қатты жанжалдасып, Мұрат Телібеков әйелін баласының көзінше сабаған. Мұсылмандар одағы президенті әйелі құрбысына қоңырау шалып, қызын уақытша алып кете тұруын сұрағанын айтты. Дегенмен құрбысы анасымен келгенде күйеуі оларға да қол көтерген.

Мұрат Телібеков Facebook-парақшасына керісінше әйелі өзіне шабуыл жасады деп кінәлап пост жазды. Ол белгісіз адамдар үйіне басып кіріп ірі көлемдегі ақшасын ұрлап, 10 жастағы қызын алып қашуға тырысқанын айтты.

Бұзақылар баланың көзінше әкесін ұрып, тіл тигізіп, кемсітті. Қыз ауыр психологиялық жарақат алды,

деп жазды ол.

Кейін Мұрат Телібековтың әйелі видео түсірді. Онда ол некелескеніне 10 жылдан асқанын айтады. Оған қоса, жолдасының Facebook-те жазғаны бұрмаланған ақпарат екенін жеткізді.

Екеуміз қатты ұрыстық. Бұлай ұрысып жүргенімізге бірнеше жыл болды. Қатты ұрысқанда ол кейде маған қол көтеретін. Мұның бәрін баламыз көріп өсіп келеді. Тағы бір ұрысқанда жақын қүұрбым Еленаға хабарласып, баланы алып кетуін сұрадым. Ол анасы Светланамен бірге келді. Бірақ үйге басып кірген жоқ. Ол (күйеуі) есікті өзі ашты. Олар баланы алып кеткісі келді. Құрбым мен анасы менің денемінің көгергенін, әбден жылағанымды көріп есеңгіреп қалды,

дейді Екатерина Чеканова.

Мұрат Телібеков 64 жаста. Ол — Қазақстан мұсылмандары одағы басшысы, Орталық Азиядағы адам құқықтары жөніндегі мұсылмандар комитеті директоры, Ислам әлемі лигасының Қазақстандағы тілшісі. Мамандығы бойынша журналист, техника ғылымдарының кандидаты. Желідегі ньюсмейкер.