Елде бір жылда пәтерлерді қайта сату бағасы – 26,9%, жаңа тұрғын үйлерді сату 17,3%-ке артты. Бұл туралы ҚР Ұлттық статистика бюросы мәлімдеді.

Өңірлер бөлінісінде жылдық мәнде жаңа үйлер бағасы Ақтөбе – 30,3%, Семей – 26,9%, Ақтау – 25% қалаларында қымбаттады.

Қолданыстағы пәтер нарығы саудасындағы баға өсімі бойынша тізімді Талдықорған (44,6%), Ақтау (43,3%), Семей (42,8%), Ақтөбе (42,4%), Астана (41,7%), Қызылорда қалалары бастап тұр (41,2%), ал тұрғын үйді жалға алу нарығындағы ең қымбат бағалар Алматы (76,6%), Қарағанды (55,7%), Қостанай қалаларында (54,5%) анықталды.

Бір айдың ішінде қолданыстағы пәтерлерді қайта сату бағасы – 1%,  жаңа тұрғын үйді сату 1,2% өсті. Абаттандырылған тұрғын үйді жалға алу төлемі алдыңғы аймен салыстырғанда қарашада 2,4% төмендеді.

Статистер ұсынған мәліметке сүйенсек, абаттандырылған тұрғын үйді жалға алу төлемі өткен жылмен салыстырғанда биылғы қарашада 48,6%-ке артты.