Energyprom.kz жеткізген ақпарға сенсек, сонымен қатар, жаңа піскен немесе салқындатылған және мұздатылған ет өндірісі өсті.

Биылғы жылдың қаңтар–шілде айларында жаңа піскен немесе салқындатылған құс еті өндірісі 64,2 мың тоннаны құрады, бұл бір жыл бұрынғыдан 3,5% артық. Сондай-ақ, 75,9 мың тонна мұздатылған құс еті өндірілді, бұл 2021 жылғы қаңтар-шілдемен салыстырғанда 0,1% артық.

Өндірістің басым бөлігі Алматы және Ақмола облыстарына тиесілі. Мәселен, Ақмола облысында республика бойынша өндірілген жаңа піскен немесе салқындатылған құс етінің 38,4%-ы және мұздатылған құс етінің 18,6%-ы, Алматыда жаңа немесе салқындатылған 16,6%-ы және мұздатылған құс етінің 50,6%-ы өндірілді.

Биылғы жылдың бірінші жартыжылдық қорытындысы бойынша, отандық компаниялар құс еті мен жеуге жарамды жанама өнімдерге сұранысты (ішкі нарықтағы сату мен экспорт) бір жыл бұрынғы 68,9%-бен салыстырғанда 71,1% қамтамасыз етті. Осы кезеңде өндіріс көлемі 4,2% артса, ет импорты 6%, 58,7 мың тоннаға дейін қысқарды.

Осы кезеңде ішкі нарықтағы сату көлемі 196,8 мың тоннаны құрады, бұл бір жыл бұрынғыдан 5,3% артық.

Биылғы жылдың тамыз айының қорытындысы бойынша, құс еті бір жылда 27,9% қымбаттады. Оның ішінде тауық еті — 25,9%, тауықтың сан еті — 28,5%, төс еті — 29,3%, жіліншігі мен жамбасы еті — 29,5% қымбаттады.

Өңірлер бойынша, құс еті бағасының ең күшті өсуі Маңғыстау облысында байқалды: 43,8%. Одан кейін Ақтөбе (37,8%) және Павлодар (35,2%) облыстарында да айтарлықтай баға өсті. Бағаның ең аз өсуі Қарағанды облысында тіркелді: 15%.

Биылғы жылдың тамыз айында ҚР дүкен сөрелері мен базарларында тауықтың бір килосы орта есеппен 1,3 мың теңгеден, тауық аяғының килосы 1,2 мың теңгеден сатылуда.

Отандық кәсіпорындар құс тұмауы дертінен толық айығып кетті, деп хабарлайды Хабар24. Еске салайық, екі жыл бұрын еліміздің тоғыз облысында құстардың жаппай қырылуы орын алған болатын. Сонда жалпы құс саны 20%а қысқарды.