«Дені сау әйел тұрмысқа шыққысы келмеуі керек» деп санайды әйгілі психолог Михаил Лабковский. Алайда оның әріптесі Гуля Жакупова оның бұл сөзімен келіспейді. Айтуынша, Қазақстанда бәрі өзгеше.

«Біз Қазақстанда екенімізді ұмытпайық. Мұнда тұрмыста болу өте маңызды», — дейді Гуля Жакупова. Бұған бірнеше себеп бар.

Әйел тұрмысқа шыққан соң оны бәрі жайына қалдырады. Ол автоматты түрде сыйлы әйел мәртебесіне ие болады. Егер ол тұрмыста болса, оған оқымай-ақ та, мансап қумай-ақ та, қаржылай тәуелсіз болмай-ақ та қоюға болады. Бұл жай ғана опция болып қалады. Бәрі оны жайына қалдырып, оған «Ханым» ретінде қарайтын болады. Әрине, баланы да табуы керек. Бірақ бұл тұрмыста болу сияқты аса маңызды емес. Тіпті ата-анасы да оған басқаша қарайды, оның пікірімен санасатын болады,

дейді психолог.

Оның пікірінше, Қазақстанда тұрмыста болу өте маңызды және біз мұнымен келісуіміз керек. Сондықтан біздің елде тұрмысқа шығуды қалау әбден қалыпты нәрсе, қыздарды бұл үшін айыптамаған жөн.

Осы идеологияны ескере отырып, психолог махаббат пен сыйластығы кеткен отбасылық өмірден бас тартатындар батыл адамдар дейді.

Отбасында көзге шөп салу, екінші, үшінші әйел, сыртта бала болуы, опасыздықтан қайғырып жүру, балалары бақытсыз, психологиялық және физикалық зорлық-зомбылық бар жерден кетуге бел буған, ажырасуға шешім қабылдаған адамдарға екі есе тамсанамын.

Сондай-ақ тұрмысқа шыққысы келсе де өзін таңдайтын әйелдерге де тамсанамын. Өз өміріңді күнделікті бақытты сүру үшін үлкен батылдық пен мақсат керек,

дейді маман.