«Қазақтелеком» деген қу монополист компанияны қанша жерден сынап жатсақ та, оның басшылары былқ етпейді: олар әлі де опырып тұрып сыйақы алады екен.

Қазақстандағы интернеттің сапасы қарық болып тұрған жоқ.

Техникалық мамандардың жалақысы аз, жабдық жетіспейді, күнде дау, күнде жанжал.

Бірақ оның бәрі компания басшылығының ұялмай жоғары сыйақы алуына еш әсер етпейді.

Блогер Кирилл Павлов «Қазақтелеком» АҚ туралы бір жаңалық жеткізді:

«2023 жылы 2022 жылдың қорытындысы бойынша басқарманың 4 мүшесі (Қуанышбек Есекеев, Людмила Атамұратова, Берік Битабаров және Нұрлан Мейірманов) жалпы сомасы 422 159 000 теңге алып алыпты. Бір «мүше» орта есеппен 105,53 млн алды.

• 2021 жылы «Қазақтелеком» АҚ-ның 9 мүшесіне жалпы 500 435 000 теңге сыйақы берілді. Бір мүшеге 55,6 млн.
• 2020 жылы «Қазақтелеком» АҚ-ның 9 мүшесіне жалпы 425 960 000 теңге сыйақы берілді. Бір мүшеге 47,3 млн.
• 2019 жылы «Қазақтелеком» АҚ-ның 9 мүшесіне жалпы 625 786 000 теңге сыйақы берілді. Бір мүшеге 69,53 млн.

Ойланатын жағдай бұл.

Біз Қазақстандағы интернет сапасының жақсарғанын, аймақтардың байланыспен қамтылғанын көріп отырған жоқпыз.

Бірақ басшылардың алатын сыйақылары осындай.