13 қыркүйекте Өскеменнің №2 сотында БҚО бойынша қала құрылысын бақылау басқармасының басшысы болған Мәди Отарбаевқа сот үкімі шықты, деп хабарлайды Мой город басылымы.

Мәди Отарбаев 361-бап «Лауазымдық өкілеттіктерді теріс пайдалану» бойынша қылмыс жасағаны үшін кінәлі деп танылып, төрт жылға бас бостандығын шектеуге үкім шығарды. Сонымен қатар сот Отарбаевқа мемлекеттік қызметте қызмет атқаруға өмір бойы тыйым салды.

 2016 жылы ол ШҚО құрылыс және сәулет басқармасының басшысы қызметін атқарған кезде қылмысқа барған.

Отарбаев «UK STROY GROUP» ЖШС үшін пайда табу мақсатында қызметтің мүдделеріне қайшы, лауазымдық өкілеттіктерін теріс пайдаланып, «UK STROY GROUP» ЖШС-нің жұмыстарының түрлері мен көлемін нақты орындамағаны, құрылыс материалдарын сатып алмағанын біле отырып, 2016 жылғы желтоқсанда орындалған жұмыстарды қабылдаудың №1 актісіне қол қойды. 2016 жылғы желтоқсандағы орындалған жұмыстың құны мен шығындары туралы анықтама, сондай-ақ құрылыс материалдарының атаулары, саны мен бағалары көрсетілген №1 жауапты сақтау шарты, «Өскеменде арнайы ХҚКО құрылысы» объектісіне арналған қағазға қол қойған, ал олар іс жүзінде жоқ,

делінген үкімде.

Отарбаев қол қойған орындалған жұмыстарды қабылдаудың №1 актісі негізінде «UK STROY GROUP» ЖШС шотына 149 миллион теңге көлемінде қаражат аударылды, оның 77,8 миллион теңгесі – бюджет қаражаты. Залал толығымен өтелді.

Сот талқылауы кезінде Отарбаев ешқайда кетпеу керек еді. Алайда шенеунік «Қордай» шекара бекеті арқылы шекарадан өтпек болған кезде ұсталды. Мәди Отарбаев Қырғызстанға аттанбақ болған. Содан кейін оны қамауға алды, ал  үкім жарияланғаннан кейін Отарбаев сот залында қамаудан босатылды. Енді ол пробациялық бақылауда болуы керек, тұрақты тұрғылықты жерін өзгертпеуі керек.

Үкім заңды күшіне енген жоқ және шағымдануға болады.