Мемлекет басшысы Алматы облысынан ары асып, Талдықорғанға қарай тартып кетті. Қасым-Жомарт Тоқаев Жетісу облысы жұртшылығымен кездесу өткізіп, «әділдік болмаса, ешбір сала дамымайды», деген мәлімдеме жасады.

«Халқымыз «әділ істің бәрі игі» деп бекер айтпаған. Құзырлы органдар, лауазымды тұлғалар шешім қабылдағанда осыны әрдайым есте ұстауға тиіс»,

деді президент.

Оның сөзінше, әділетсіз қабылданған шешім биліктің беделін түсіреді. Қоғамға іріткі салып, халықтың наразылығын тудырады. Сондықтан, ешқашан әділдіктен аттауға болмайды.

Барлық мемлекеттік қызметшіден әділ болуды талап етемін. Сонда ғана біз берекелі қоғам, мықты мемлекет боламыз. Мен тағы бір күрделі мәселеге тоқталғым келіп отыр. Елімізде көп адам несие алып, қарызға батып жүр. Бұл мәселе мені де қатты толғандырады. Таяу арада мен осы мәселе бойынша ұсынысымды халыққа жариялаймын,

деді мемлекет басшысы.