Бір қазақстандық отбасы үш айда (I квартал) азық-түлікке шамамен 460 мың теңге жұмсайды. Мұндай деректерді статистика бюросы жариялады.

Биылғы жылдың екінші тоқсанында отбасы шығындары республика бойынша орта есеппен 882,8 мың теңге, айына 294 мың теңге құрады, деп хабарлады lsm.kz

Ең көп ақша жұмсайтындар — Ұлытау өңірінің тұрғындары (1,1 млн теңге), одан кейін тізімде Қызылорда мен Астана тұр (1 млн теңге).

Бұл ретте шығындардың жартысынан көбі азық-түлікке жұмсалды. Қазақстан бойынша орташа есеппен 457,9 мың теңге. Маңғыстау облысында азық-түлікке кеткен ақша 589,4 мың теңге, Түркістан облысында 575,1 мың теңге, Атырау облысында 544,1 мың теңге болды. Бұл елдегі ең жоғары көрсеткіштер.

Жарты жылда бір қазақстандық отбасы орта есеппен 196,4 мың теңгені азық-түлік емес тауарларға жұмсаған.

Ақылы қызметтерге — 156,2 мың теңге, несие мен қарыздарды өтеуге — 54,5 мың теңге, туыстарына көмекке және алиментке — 16,4 мың теңге, салықтарға — 1,3 мың теңге жұмсалды.

Несие мен қарыздарды өтеуге Ұлытау облысының отбасылары көп жұмсаған — 184,9 мың теңге. Бұдан кейін Қарағанды облысы (110,4 мың теңге) және Астана (107 мың теңге).