Полиция қызметкері елордадағы жол-көлік оқиғалары туралы айтты.
Көлікке мас күйінде немесе есірткі қолданып отыратын жүргізушілер көбейген.
Биыл жол қозғалысын қадағалау кезінде 155 611 әкімшілік құқық бұзушылық анықталған. Оның ішінде 133 321 әкімшілік іс бойынша 2 млрд-тан астам сомаға айыппұл түрінде қаулы шықты. Автокөлік жүргізушілері жолда жылдамдықты асыра пайдаланады, бағдаршамның тиым салынған белгісіне өтеді. Соның салдарынан жол-көлік апаты жиі болады. Ал жаяу жүргіншілер белгіленбеген жерден өту арқылы, бағдаршамның тиым салынған белгісінде жүруі және кәмелеттік жасқа толмаған балалардың жанындағы заңды өкілінсіз жол үстінде ойнап жүрген сәттер көп болады.
Көлік құралында отырғандар да жаяу жүргіншілер де қажетті талаптарды сақтамайды. Жол жүру ережесінде жүргізушінің автокөлікті қалай басқару керектігі мен жылдамдық ережелері нақты көрсетілген. Сондай-ақ, жаяу жүргіншіге де талап қойылған. Жол жүру ережелеріне сәйкес, 14 жасқа толмаған азаматтарға жол бойында велосипедпен жүруге тиым салынған. Қағидалардың орындалмауы жол-көлік оқиғаларына әкеліп соқтырады. Елордада бір тәулікте 100-ге жуық жол-көлік оқиғасы тіркеледі. Оның салдарынан шамамен 10-15 адам дене жарақатын алады.
Сондай-ақ, көлікке мас күйінде немесе есірткі қолданып отыратын жүргізушілер көбейген. Оларға қолданылатын жаза қатаң.
Биыл 1329 жүргізуші көлік құралын мас күйінде басқарған іс тіркелді. Былтыр бұл көрсеткіш 1181-ді құраған. Егер жүргізуші мас күйінде ұсталып, жүргізуші куәлігінен айырылса, бірақ осы жағдай тағы қайталанса қылмыстық іс қозғалады. Мұндай азаматтарға ҚР қылмыстық кодексінің 346-бабы бойынша іс қозғалып қатаң түрде жазаланады.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…