Қырғызстан арнайы қызметі Бішкекте билікті күшпен басып алуға дайындалды деген күдікке қалған адамдарды жаппай ұстап жатыр.

Азаттықтың Қырғыз қызметінің органдардағы дереккөздерінің хабарлауынша, Қырғызстан ұлттық қауіпсіздік жөніндегі мемлекеттік комитетінің қызметкерлері қазірдің өзінде он шақты адамды ұстаған.

Арнайы қызмет бұл жөнінде әзірге ешқандай ресми мәлімет таратқан жоқ.

Бұның алдында интернетте арнайы жасақтың үйге жаппай кіріп бара жатқаны туралы видео тараған. Тағы бір видеода олар автокөлікті тоқтатып, бір ер азаматтың қолына кісен таққан. Видеоның өтірік-расын әзірге тексеру мүмкін болмай отыр.

Нақты кімдер ұсталғаны туралы мәлімет әзірге түскен жоқ.