Instagram-дағы парақшасында ол Қаңтар оқиғасынан кейін барлығы бұрынғыдай болмайтынын, қазақ тіліне енді бұрынғыдай немқұрайлы қарауға жол берілмейтінін жазды.

Өз үндеуін орыс тілінде қалдырған журналист сол тілдегі бизнес өкілдеріне түсінікті болуы үшін жазғанын түсіндірді.

2023 жылы Қазақстанда енді бәрі бұрынғыдай болатынына сенетін аңқаулардың бары таң қалдырады. Қаңтар оқиғасынан кейін, көрші елдегі соғыстан кейін, тіпті жақында орын алған Рамиль Мухоряповтың былығынан соң қалайша әлі ақылдары кірмеген?

жарайды, қазақ тілін білмейсіңдер делік, жаныңызда жанашыр адамның болмауы қалай? Ей, есіңді жи, ел өзгерді, қоғам басқа деп айтатын ешкім табылмағаны ма?

Қазақ қоғамын осылайша ысырып қоятын уақыт артта қалды. Қазір бұл қылықтарың дұрыс емес. Қазақи ортаның қалауын орындамай, әрі қарай кәсіп жүргізу мүмкін емес. Енді уақыт басқа. Қазақ қоғамы бір тілмен шектелмейді. Бірнеше тілді меңгерген. Алайда, толеранттық танытудан шаршады халық.  Қазақ тілі  — мода емес дейтіндердің қатары сиреді.

Сендер 30 жыл бойы өмір сүріп жүрген елдің өміріне сіңісетін, ақылдарың кіретін уақыт болды. Қазақстан – Ресейдің бір бөлігі емес. Қазақстанның өз мәдениеті мен тілі бар. Тіпті «ұлтшыл» деп айыптауларың да сүйектен өтпейді.

Мүмкін мәселе тіпті басқа жақта жатқан болар. Қазақ тілді қазақтар әлі де ақшасыз тентіреп жүр деп ойлайсыздар ма?

Ояныңыздар!!! Біз ауылдан шыға білдік. Ақшамызды да таптық. Байыдық. Енді әнге біз тапсырыс беретін уақыт келді!

деп мейрамхана өкілдеріне үндеуін аяқтады журналист.