Қазақстанның екі азаматы Оңтүстік Кореяны шулатыпты. Корея билігі оларды Қазақстанға қайтарып жібермек болғанда екеуі қашып кеткен екен. Біреуі ұсталып, екіншісін әлі іздеп жатыр деседі.

Қазақ баласы несіне Қазақстанға қайтқысы келмей, Кореяға сонша жармасады?

Саясаткер Қазбек Бейсебаевтың сөзінше, өйткені Қазақстанда жалақысы тәуір жұмыс жоқ.

Ол балалар өзі мен үй ішін асырау үшін Кореяға гастарбайтер болып қашты. Жиырмадан енді асқан қазақтың балалары. Назарбаевтың солар үшін алдымен 2030 деп, сосын 2050 деген бағдарламасымен жарқын болашақ жасап беремін деген уәдесі қайда? Қазақ баласы енді алыстағы бөтен елде қалай да қалуға тырысатын болды. «Дамыған 30 елдің біріне айналамыз» деп бөскен "бас зейнеткер" мен оның қаптаған жағымпаздары қайда?

Бізде қазір халық көбейіп жатыр, мектеп табалдырығын аттайтын балалар жылдан-жылға көбеюде. Жыл сайын мектеп бітіріп жатқан балалар қаншама?

оларға кім жұмыс тауып береді, деген сауал тастайды сарапшы.

Кешегі «ұлт көшбасшысы» өндіріс ашып, жұмыс орындарын құрудың орнына ақшаның бәрін далаға шашты, ЭКСПО, ЛРТ сияқты жөн-жосықсыз, еш пайдасыз далбаса тірлікке.

Нәтижесі міне,

қазақ жастары жұмыс іздеп шетелге қаңғып кетуге мәжбүр.

• Назарбаев біздің жас ұрпағымызды жай алдап қана кеткен жоқ, ол жастардың болашағын ұрлап алды, деп күйінеді Бейсебаев.

Айтпақшы, Оңтүстік Корея билігі енді Қазақстан азаматтарын еліне кіргізу тәртібін күшейтуі бек мүмкін.