Енді БАҚ өкілдері Қайрат Боранбаев, Роман Наханов және Таймыр Жанұзақтың ісі процесін ашық түрде жариялай алмайды. Оларға фото, видео түсіруге тыйым салынды.

Астана қаласының № 2 Сарыарқа сотының судьясы Назгүл Балаково кезекті отырыс басталғанға дейін сот залынан телеоператорларды алып тастауды талап етіп, журналистерге телефонға фото және видео түсіруге тыйым салды.

Сот жеке деректерді, куәгерлердің айғақтарын, залда фотосуреттер мен бейнежазбаларды көрсетуге тыйым салды,

деді Назгүл Балаково.

Судьяның айтуынша, бұған дейн интернет-ресурстардың бірінде сот залында түсірілген видео үзіндісі тарап, оған монтаж арқылы жалған субтитр қойылған. Бірнеше ескертуден соң бейне өшірілген.

Куәгерлер сотта өздерінің жеке деректері мен айғақтарының бұқаралық ақпарат құралдарында таралуына қарсы екенін айтып, сотқа жүгінді. БАҚ-та куәгерлердің келісімінсіз олардың дербес деректері таратылады, бұл ҚР Дербес деректер және оларды қорғау туралы Заңының 10-бабының ережесін бұзады. Журналистер өздерінің субъективті сенімдерімен сот тергеуі туралы теріс қоғамдық пікірді алдын-ала қалыптастыруға тырысады, бұл заңға сәйкес қолайсыз,

деді судья.