Алматы әкімі Ерболат Досаев 13 шілдеде Бостандық ауданының тұрғындарымен кездесуде қаланың екі негізгі магистральдық жолы неге жөндеуге жабылғанын түсіндірді. 

Тұрғындардың бірінің сұрағына жауап бере отырып, қала басшысы қолайсыздықтар үшін кешірім сұрады және тұрғындарға түсіністік танытқандары үшін алғыс айтты.

Әл-Фараби даңғылы 2010 жылдан бері, Абай даңғылы 2012 жылдан бері орташа жөндеуден өткен жоқ. Әдетте жөндеу аралықтарының циклі бестен, кейде 7 жылға дейін созылады. Әл-Фараби бойынша екі жөндеу аралық мерзімді өткізіп алдық. Мамандардың бағалауынша, егер осы магистраль жолдарды биыл жасамасақ, онда қыстан аман қалмаймыз,

деп түсіндірді Досаев.

Ол жөндеу жұмыстарының барысын жеке өзі бақылайтынын атап өтті. Алғашқы мүмкіндік пайда болғаннан кейін әкімдік Сырғабековтен Есентай көпіріне дейінгі жолды ашты.

Кептеліс пайда болған басты учаскелер – Әл-Фараби мен Жароковтың қиылысы. Барлық жұмысты алты бөлімге бөлдік. Бірақ өзіңіз жүретін жол инфрақұрылымына қарасаңыз, Дулатиде апаттық жолдар жоқ, сондықтан кері қозғалыс жасай алмаймыз.  Гагарин қазір жабық және жасыл желектермен қоршалған,

деді Алматы әкімі.

Мегаполис басшысы 2gis және «Яндекс карталарында» барлық ақпаратты жаңартатынын айтты. Сондай-ақ қалалық ұтқырлық басқармасы маршруттардағы өзгерістер туралы хабарлады.

Кеше Әл-Фараби мен басқа жерлерге бардым, негізінен қозғалыс жақсарды. Менің ойымша, мұндай сұрақтар енді туындамайды. Түсіністік үшін тағы да алғыс айтқым келеді,

деп қорытындылады қала басшысы.

Алматылықтар көшелерде жаппай жөндеу жұмыстары болып жатқанына наразылық білдірді. Алматы әкіміне қарсылықтар көбейіп, оның отставкаға кетуін талап ететін петиция жарияланғаны хабарланған еді.