Қазақстан Жазушылар одағы Басқарма Төрағасының орынбасары, ақын Қасымхан Бегмановтың «Жас Алаш» басылымына берген сұхбатына сәйкес, биыл Қазақстан Жазушылар Одағына жаңа 19 мүше қабылданған. Олар:
Байқағандарыңыздай, арасында ресейлік бизнес-тренер, инфобизнесмен Саидмурод Давлатов та бар. Қасымхан Бегмановтың айтуынша, Давлатовтан өтініш келіп түскеннен кейін оның шығармашылығын біраз зерттеген.
С.Давлатовтың одаққа қабылдау туралы өтініші түскенде, оның құжаттарын зерттедік. Ол үлкен табысқа жеткен қаламгер екен. 14 кітаптың авторы, оның жетеуі қазақ тіліне аударылған. Кітаптарына сұраныс зор, жүздеген мың таралыммен тарап жатыр. Бұл жерде біз оқырманның талабымен де санасып отырмыз. Заман мен қоғам өзгерген сайын кітаптардың да жанры мен тақырыптары өзгереді емес пе? Тіпті әлемдік тәжірибеде бұрын-соңды боп көрмеген жанрлар мен формалар пайда болуда. Болашақта ол жағын да ескеруіміз керек,
деді Қасымхан Бегманов.
Сондай-ақ биыл Одаққа саясаткер Әміржан Қосанов та мүше болған. Оны да мүшелікке бекер қабылдаған жоқпыз деп отыр Одақ басшысы. Айтуынша, Қосанов ақын ретінде де танымал.
Қосанов қаламгер емес, саясаткер ретінде белгілі адам. Иә, ол көпшілікке, ең алдымен, саяси қызметімен таныс. Бірақ та әдебиетке жақын қауым оны ақын ретінде де біледі. Оның өлеңдері кезінде «Қарлығаш», «Жаңаөзен» жыр жинақтарында, Жазушылар одағының органдары «Жұлдыз» журналы мен «Қазақ әдебиеті» газетінде, «Жалын», «Таңшолпан» журналдарында жарияланған. Өткен жылы «Жұлдыз» журналының он екі санында оның «Қазақ, қайда барасың?» атты публицистикалық мақалалар циклы жарық көрді. Әлеуметтік желіде де – ЮТУБ, Фейсбукте – оның өзекті тақырыптарға арналған өлеңдері өз оқырманының ілтипатына ие болып жүр,
деп түсіндірді Бегманов.
Әміржан Қосанов Одаққа неліктен мүше болғысы келгенін түсіндіріпті. Айтуынша, саясат туралы ащы өлеңдерін ескі Қазақстанда ешкім басып шығармайтын, енді Жаңа Қазақстанға сенімі мол.
Ескі Қазақстан кезінде жазылған өлеңдерім ащылау ғой. Жаңаөзен, Желтоқсан… жалпы айтқанда әлеуметтік лирика жаздым. Кейде билік, жемқорлық, сайлау тақырыбында да қалам тербедім. Ескі Қазақстан кезінде оны ешкім басып шығармайтын. Жаңа Қазақстанда көреміз енді, уақыт керек, жинақтау қажет. Бәрі ретімен болып жатса кітап етіп бастырамыз,
дейді Әміржан Қосанов.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…