Биылғы ІІ тоқсандағы деректер бойынша Қазақстанда 9 115,1 мың адам экономиканың түрлі саласында жұмыспен қамтылған, деп жазады inbusiness.kz.

Олардың ішінде жалдамалы қызметкерлер 6 945,8 мың адам болса, 2 169,3 мың адам өзін-өзі жұмыспен қамтыған.

Өткен жылдың тиісті тоқсанымен салыстырғанда жалпы жұмыспен қамту 144 мың адамға, оның ішінде жалдамалы жұмыскерлер есебінен 104,1 мың адамға, өз бетінше жұмыспен қамтылғандар есебінен 39,9 мың адамға өсті.

Жұмысшылардың ең көп үлесі сауда (16,6%), білім беру (12,9%), өнеркәсіп (12,3%) және ауыл шаруашылығы (12,2%) салаларында байқалды.

Жұмыссыздық деңгейі 4,7% болды.

Қазақстанда 452,6 мың адам жұмыссыз.