«Қазгидромет» еліміздің солтүстігінде ауа температурасы төмендейтінін, ал оңтүстігінде ыстықтың беті қайтатынын болжады.

Қазақстанның солтүстік бөлігіндегі метеорологиялық жағдай нашарлай бастады. Мұның себебі республика аумағын ыстық оңтүстік пен салқын солтүстікке бөлген атмосфералық майдан болды.

Фронтальды бөліктің біртіндеп жылжуы елдің солтүстікгінде, шығысында, оңтүстік-шығысында найзағай ойнап, жел күшеюіне, кей жерде бұршақ жаууына әкелуі мүмкін. Мұның бәрі солтүстікте күндізгі ауа температурасы төмендеуіне, елдің оңтүстік жартысында ыстықтың бәсеңдеуіне ықпал етеді,

делінген «Қазгидромет» хабарламасында.

• Қазақстанның солтүстік-батысында, солтүстігінде ауа температурасы күндіз +20 +30°С-тан +15 +25°С-қа дейін,
• елдің орталығында +25 +33 °С-тан +18 +27°С-қа дейін,
• шығыс облыстарда аптап ыстық +25 +35°С-тан +19+29°С -қа дейін,

• оңтүстігінде және оңтүстік-шығысында ау температурасы +30 +39°С-тан +25 +36°С-қа дейін төмендеуі мүмкін.