Бразилияның Сантос шағынауданында он мыңдаған бразилиялықтар аңызға айналған әйгілі футболшы Пелемен қоштасты.

Пеленің өзін осы қалада, «Сантос» стадионы көрінетін шағын жеке зиратқа жерлегенін қалаған. Футболшының соңғы тілегі орындалды.

Пелемен қоштасу рәсімі екі күн бойы «Сантос» стадионында өтті. Оған 150 мыңға жуық адам қатысты.

Футболшыны ақтық сапарға шығарып салуға елдің жаңа президенті Лула да Силва да келді.

Пеле даңқы шыққан сәт те де, Англия патшайымымен кездесіп, марапаттарын алған уақытта да сұхбат бергендегідей немесе балаларымен сөйлескендегідей қарапайым болды,

— деді президент.

Лула да Сильва стадионға Бразилияның бірінші ханымы, әйелі Розанжела да Силвамен бірге келді. Кейін еске алу рәсімі өтті.

Еске алу рәсімінен кейін Пеленің денесі салынған табыт Сантос көшелерімен тасымалданды. Марқұмның денесі отбасылық шағын қоштасу рәсіміне, зиратына жөнелтілді.

Қоштасу рәсімі марқұмның қалауындағыдай қарапайым болды. Футболшымен қоштасқан азаматтар Пеленің 100-ге келген анасы тұратын көше бойымен жүріп өтті.

Әйгілі футболшы Пеле 2022 жылғы 29 желтоқсанда 82 жасында қайтыс болды. Кейінгі жылдары ол қатерлі ісіктен ем қабылдап жүрген еді.

Пеленің отбасы «Сантос» клубынан құрамадағы 10-нөмірді мәңгілік Пелеге арнауды, оны енді басқа ешкімге бермеуді өтінді. Клуб өтінішті қарастыратынын айтты.