16 қыркүйекте «Халық заңгері» акциясы басталады. Бұл туралы Zakon.kz порталы хабарлады.

Алматы, Нұр-Сұлтан, Қонаев, Ақтөбе, Тараз, Түркістан, Ақтау, Қостанай, Өскемен, Петропавл, Павлодар, Қарағанды, Балқаш, Орал, Қызылорда, Шымкент, Атырау, Көкшетау, Талдықорған, Семей сияқты еліміздің барлық ірі қаласында «Халық заңгері» жалпыреспубликалық әлеуметтік маңызы бар тегін науқан басталды.

Бұл жолы науқан 16 қыркүйек күні сағат 16.00-де басталады. Заңгерлер кеңес береді, ал мемлекеттік органдар азаматтарды қабылдайды. Азаматтарды қабылдау уақыты шектелмейді, соңғы адам келгенге дейін жалғасады,

дейді ұйымдастырушылар.

Науқан өтетін мекенжайларды мына жерден көруге болады.

Кез келген азамат «Халық заңгері» науқанына барып, өзін қызықтыратын барлық құқықтық мәселе мен дау бойынша үздік, кәсіби деңгейі жоғары заңгерлерден, соның ішінде тәжірибелі, беделді адвокаттардан, нотариустардан, прокурорлардан, тегін, толық көлемде көмек пен кеңес ала алады. Кеңес берушілер қатарында тергеушілер, сот орындаушылары, полиция қызметкерлері, кәмелетке толмағандармен жұмыс істейтін қызметкерлер, әділет, көші-қон полициясы, банк омбудсмені, сонымен қатар жауапты басшылық қызметтерді атқаратын ҮЕҰ және мемлекеттік органдардың өкілдері болады.

«Халық заңгері» науқаны 2016 жылы өткізіле бастады. Бұл идеяны еліміздің барлық заңгер қауымы қолдады. Акция қарапайым қазақстандықтардың көңілінен шығып, кейін сұраныс артқаны сонша, ұйымдастырушылар оны жыл сайын үлкен қалалар мен өңірлерде өткізуді ұйғарды.

Науқанды Сыбайлас жемқорлыққа қарсы іс-қимыл агенттігі, Zakon.kz интернет-басылымы, «Параграф» ақпараттық жүйесі, мемлекеттік органдар, белгілі заңгерлер мен құқық қорғаушылар ұйымдастырады.