YouTube-тегі The Qazaq Times каналы қазақтың шын саясаткері, диссидент Хасен Қожа-Ахметтен сұхбат алыпты.

Тәуелсіздікті бізге бере салды, «мә» деп, дейді ол.

Сол кездегі Москва тағайындап берген, отаршылдарға қызмет еткен дүбәрә адамдар мен бюрократия сол күйі қалды билікте. «Ел бола алмаймыз» деп мен 1990 жылы айтқам, бұрынғы парламент үйінде, тамыздың 12-сінде өткен митингте. Мені халық тыңдамады. Жөнді қолдамады. Енді келіп, «ойбай, құртты, жойды, ұрлады, бүлдірді Қазақстанды» дейді.

Хасен Қожа-Ахмет алдағы кезектен тыс президент сайлауына республикалық «Азат» қозғалысы атынан түсетінін айтады.

Қаңтарда болған жағдай төңкеріс емес. Төңкеріс болса, Тоқаев кетер еді. Мен деген Назарбаев, Тоқаев, Путиндердің бар қулығын, «жаңа Қазақстанның» жоқ екенін үйде отырып-ақ білемін. Бүйтіп алданып отыра берсек, мемлекет ретінде жоқ боламыз. Сондықтан осы сайлауда мені қолдамасаңдар, немесе мен мені өткізбей жатса, мен бұл елден кетемін,

деп қатты айтып тастады ол.