Руслан Леонтьев бір апта бұрын жоғалып кеткен. Ол соңғы рет 16 маусым күні жеке автокөлігімен Заңғар ауылынан шыққан. Ол ауылдан шығып, үйіне келу керек болған. Алайда жолда келе жатып, қоштасу видеосын әлеуметтік желіге жүктеп, жақындарының зәресін ұшырған. Сол күні кешке туыстары іздеу салып, еріктілер мен полицияға жүгінген.

Бір апта бойы еріктілер мен полиция Семей тасжолының бойын, Ертіс өзенінің жағалауын түгелдей аралады. Соңғы рет оның байланысқа шыққан жеріне сүңгуірлер қажет болды. 25 маусымда Ертіс өзенінде іздеу жұмыстары барысында 4 құтқарушы эхолоттың көмегімен шамамен 5 метр тереңдікте және жағадан 10-15 метр қашықтықта автокөлік тапты.

Павлодар облысы ТЖД мәліметінше, 16 маусымда түсініксіз жағдайда жоғалып кеткен тұрғынның денесі Етістен табылды. “Сүңгуір суға кіріп, көліктің төбесінде жатқанын растады. Арнайы техниканың көмегімен машина жағаға көтеріліп, 102 қызметіне берілді,

делінген хабарламада.

Салонның ішінен жоғалған Руслан Леонтьевтің мәйіті табылды.