Кремльге шабуыл – қойылым. Бұл туралы соғысты зерттеу институтының (ISW) сарапшылары мәлімдеді, деп хабарлайды Arbat.media.

Вашингтондағы соғысты зерттеу институты (ISW) күнделікті есебін жариялады. Америкалық әскери сарапшылар Кремльге шабуыл қойылым деген қорытындыға келді. Мұндай тұжырымды растау үшін олар бірнеше дәлел келтірді.

• Ресей билігі Мәскеу айналасындағы әуе шабуылына қарсы қорғанысты бұрындары-ақ күшейткен. Қорғанысты екі ұшқышсыз аппараттың бұзуы екіталай.
• Күтпеген шабуыл кезінде Ресей билігі ретсіз ақпарат беретін еді. Оның орнына әскерилер бірден егжей-тегжейлі есеп берді. Ал үйлесімді және үйлестірілген реакция шабуылдың іштен дайындалғанын көрсетеді.
• Тағы бір себеп биліктің халыққа «соғыс жақындап қалғанын» көрсетуге және жас жігіттерді майданға шақыруға деген ұмтылысы болуы мүмкін. Сондай-ақ, шабуыл қаупіне байланысты мерекелік іс-шараларды тоқтатуға болады.

Сарапшылар өзге елдің туын желеу етіп, басқа да операциялар ұйымдастырылуы мүмкін деп болжайды.

Еске сала кетейік, кеше Мәскеуде екі жарылыс болды. Екі белгісіз ұшқышсыз аппарат Ресей президентінің резиденциясы орналасқан Кремльді нысанаға алған.

Ресей ақпарат агенттігінің хабарлауынша, кеше түнде екі ұшқышсыз аппарат Кремльді нысанаға алып, жарылыс жасағысы келген. Шабуылдан Ресей президенті мен басқа да адамдар зардап шекпеген. Мемлекет басшысының жұмыс кестесі өзгерген жоқ.

Бұл шабуыл Жеңіс күні қарсаңында жасалды. Ол Ресей президентіне қастандық жасау мақсатында болды.  Ресей тарапы міндетті түрде қарымта шабуыл жасайды. Оның қай кезде болатынын уақыт көрсетеді,

делінген хабарламада.

Ресей президентінің баспасөз хатшысы Дмитрий Песковтың айтуынша, Путин шабуыл кезінде жұмыс орнында болмаған.