Атырау облысының Құлсары қаласында азық-түлікке таласқан әйелдердің ісі сотта қаралды.
Жылыой аудандық сотының мәліметінше, жанжал мамыр айында Құлсары қаласындағы «Нақыш» ғимаратында болған, деп жазады Қазақпарат.
Гуманитарлық көмек ретінде жеткізілген азық-түлікке таласқан екі әйел Т. мен Д. өзара келісе алмай қалған. Сол кезде Д. жәбірленуші Т.-ны итеріп құлатқан. Соның нәтижесінде жәбірленуші жеңіл дене жарақатын алған. Бұл іс ҚР Әкімшілік құқық бұзушылық туралы кодексінің 73-1-бабының 1-бөлігімен (Денсаулықтың қысқа мерзімге бұзылуына немесе жалпы еңбек қабілетін тұрақты түрде болмашы жоғалтуға әкеп соққан, денсаулыққа қасақана жеңіл зиян келтіру) қаралды,
деп хабарлады аудандық сот.
Құқық бұзушы Д.-ның кінәсі сот-медициналық сараптама қорытындысымен, бейне-дыбыс жазбасымен, арызбен, түсініктемелермен, әкімшілік құқық бұзушылық туралы хаттамамен және басқа да іс құжаттарымен толықтай дәлелденіп отыр. Сот-медициналық сараптама қорытындысына сәйкес, жәбірленуші Т.-ның денсаулығына жеңіл дәрежелі зиян келгені анықталған.
Д.-ның кінәсін жеңілдететін мән-жай ретінде оның бұрын әкімшілік жауаптылыққа тартылмағаны, 14 жасар баласының бары ескерілді. Ауырлататын мән-жайлар анықталмады. Сот Д.-ның жеке басын, құқық бұзушылықтың сипатын, жауаптылығы мен жазасын жеңілдететін мән-жайларды ескеріп, оған ҚР Әкімшілік құқық бұзушылық туралы кодексінің 829-11-бабының 2-бөлігімен 38 мың 766 теңге көлемінде әкімшілік айыппұл салды,
деп мәлім етті аудандық соттан.
Сот қаулысы заңды күшіне енген жоқ.
Ақпарат министрлігі Кеңес дәуірінде шыққан мультфильмдерді қазақ тіліне аударуға дайын екен. Жеке көзқарасым бойынша, олар…
Алматы қаласы бойынша Сыбайлас жемқорлыққа қарсы қызмет бюджет қаражатын аса ірі мөлшерде иемдену және ысырап…
Украинадағы соғысты тоқтату мәселесіне арналған жиынға қатысты Астана халықаралық іс-шаралар кестесі мен Қазақстанның ресми ұстанымын…
Бюджет қаражатын ұтымды пайдалануды талдау шеңберінде мемлекеттік сатып алу туралы заңнаманы өрескел бұзу фактілері анықталды.…
Ал жаңа машина азайып барады. 2024 жылғы 1 сәуірде елде 5.4 млн автомобиль бар екені белгілі болды, бұл бір…
Тәжікстанда Соғды облысының құқық қорғау органдары тәжік және этникалық қырғыз отбасыларының алты мүшесін өлтіру қылмысына…