Бізге жеткен инсайд бойынша наурыздың екінші жексенбісінде Мәжіліс сайлауы өтеді. Назарбаевқа ода арнап, тарихта қалған жағымпаз-депутаттар жылы орнымен қош айтысады, деп жазады Dalainside порталы.

Бірқатар саяси партиялар науқанға дайындалып, қазірден қам жасауға кірісіп кетті. Жаңа Қазақстанға геосаясат пен ішкі ахуалды тең қарастырып, тиімді заңдар шығара алатын жаңа құрам қажет. Осы жолғы сайлау Ата заңға енген соңғы өзгерістерге сай өтеді. Бұл жолғы мәжілістің 30 пайызы мажоритарлық жүйемен жасақталады. Демек, тәуелсіз депутаттарға 30 мандат бұйырып тұр деген сөз.

Мандаттық тәртіппен сайланғандар тәуелсіз депутаттар фракциясын құрса, заң шығару инициативасына, түрлі қоғамдық, саяси құбылыстарға ықпал ету мүмкіндігіне ие болады. Бұл жағына уақыт төреші.

19 наурызға дейін екі айға жетер-жетпес мерзім бар. Додаға түсіп, «Жаңа Қазақстанды» құрам дейтін белсенділер, тағы да тасада қалып, «қолдарыңызды кеш сермеп» жүрмеңіздер. Саяси-қоғамдық өмірге қан жүгірту, халықтың электоралдық компанияға қызығушылығын тудыру айтары, ұсынары бар танымал тұлғаларға тікелей байланысты.