2007 жылдың қаңтарында танымал эстрада әншісі «Мальчик хочет в Тамбов», «Я — это ты» және тағы басқа хит әндердің орындаушысы Мұрат Насыров қайтыс болды.

Жасыратыны жоқ, музыканттың өлімі шоу-бизнес өкілдері арасында да, жанкүйерлер арасында да көптеген сұрақтар туғызды.

Анығы — әртіс Ресей астанасының Вучетич көшесіндегі № 15/1 үйдегі пәтерінің балконынан құлап кеткен. Бірақ бұған не себеп болғанын жүз пайыз сенімділікпен ешкім айта алмайды.

Ресми нұсқасы – депрессия жағдайындағы суицид. Ал, Мұраттың жесірі мұны жазатайым оқиға деп есептейді. Айтуынша, балаларының әкесінің болашаққа көптеген маңызды жоспарлары болған және ол өз еркімен өмірден кетуі мүмкін емес еді.

Қалай болғанда да, 2007 жылдың 19 қаңтарында әнші өмірден озды.

Қылтың-сылтыңы аз Мұрат сүйікті әйелі Натальямен жас кезінде бас қосып, өмірінің соңына дейін бірге болған.

2007 жылдың 21 наурызында жас-жұбайлар ресми некеге отырмақ болған, бірақ үлгермеді. Ерлі-зайыптылар тоқсаныншы жылдардың басында бас қосып, азаматтық некеде өмір сүрген.

Бірнеше жылдан кейін тұңғыш қызы Лия, ал тағы төрт жылдан кейін ұлы Әкім дүниеге келді. Мұрат дүниеден озғанда қызы он жаста еді, ал ұлы алтыда болатын.

Наталья бұл кезеңді былай сипаттайды: «Біраз уақыт біз мектепке де, бақшаға да бармадық – қорғанып жүрдік, өйткені далаға шығу тіпті қорқынышты болды: журналистер камерамен қарауылдап жүретін…

Әйел балаларын жалғыз тәрбиелеп, тұрмысқа шықпады. Сондай-ақ, ол өзінің сүйіктісінің құрметіне олар бірге тұрған пәтерді сатпады, ішін сол күйі қалдырып, Мұратты жақсы білген адамдар келіп тұруына арналған мұражай жасап қойған.

Мұраттың балаларына келетін болсақ, қазір олар есейген. Жақында қызы Лия жиырма алтыншы туған күнін, ал ұлы Әкім жиырма екі жасын атап өтті.

Лия музыканы өте жақсы көретініме қарамастан, басқа саланы таңдаған. Қыз Плеханов атындағы әйгілі Мәскеу академиясының экономика факультетін бітірді, бірақ әлі мамандығы бойынша жұмыс істемейді.

Бірақ Әкімнің музыка әлеміне тікелей қатысы бар. Жас жігіт Гнесинское училищесін саксофон сыныбы бойынша бітіріп, осы бағытта әрі қарай жұмыс істеуді жоспарлап отыр.

Натальяға келетін болсақ, ол вокал бойынша мұғалім болып жұмыс істейді, бір кездері Гнесин музыкалық мектебін бітірген әйелдің керемет музыкалық білімі бар.