Қолда бар мәліметтерге сай, құмар ойын мен бәс тігу саласындағы қызметтердің 72%-дан астамы интернетте.

2022 жылғы қаңтар–желтоқсандағы жедел мәліметтер бойынша құмар ойын мен бәс тігуді ұйымдастыру қызметтерінің көлемі экономиканың бақыланбайтын секторын есепке алғанда 553,7 млрд теңгені құрады, бұл 2021 жылғы қаңтар–желтоқсанмен салыстырғанда бірден 7,5 есе көп (ФКИ 680,3%, яғни нақты қызмет көрсету көлемінің нақты жылдық өсімі 6,8 есе).

Бір қызығы, 2020 және 2021 жылдардағы қаңтар–желтоқсан айларындағы жедел деректер мен соңғы жаңартылған жылдық деректер арасында бірнеше есе айырмашылық бар. Мәселен, 2021 жылдың қаңтар–желтоқсан айларының соңғы деректері бойынша саладағы қызмет көрсету көлемі 73,9 млрд теңгені құраса, 2021 жылдың нақтыланған мәліметтері бойынша бұл көрсеткіш 501,3 млрд теңгеге жетті деуге болады. 2020 жылы 12 айда операциялық көрсеткіш 79,9 млрд теңге, нақтыланған жылдық деректер 278,3 млрд теңге болды. Өткен жылдары мұндай айырмашылық болмаған (кестелерді қараңыз).

Сондықтан 2022 жылға арналған жаңартылған деректердің қандай болатынын болжау мүмкін емес және біз бұл сандарды осы жылдың ортасына жақынырақ көреміз.

Еске салайық, біз экономиканың бақыланбайтын секторын ескере отырып берілген жедел және қайта қаралған жылдық деректер туралы айтып отырмыз. Бұлай нықтылаудың неліктен маңызды екені кейінірек түсінікті болады.

Өңірлерге тоқталсақ, 2022 жылғы экономиканың бақыланбайтын секторын қоспағандағы жедел мәліметтер бар (бірақ, бақыланбайтын секторды қосып есептеген жедел мәліметтермен шамалас, алдыңғы жылдардағыдай емес, бірақ бұл туралы кейінірек).

Өңірлер бойынша айтар болсақ, осы кезеңде құмар ойын мен бәс тігуді ұйымдастыру қызметтерінің жалпы көлемінің 93,2%-ы тек Алматы облысының үлесінде: 516,2 млрд теңге.

Ақмола облысында да көрсеткіш айтарлықтай: 37,5 млрд теңге.

Елеусіз көрсеткіштер Қызылорда (5,8 млн теңге), Қарағанды (2,3 млн теңге), Ұлытау (644,7 мың теңге), Жамбыл (49,5 мың теңге) және Батыс Қазақстан (20,2 мың теңге) облыстарында, сондай-ақ Алматыда (151,2 мың теңге) тіркелді.

Тағы бір қызығы, экономиканың бақыланбайтын секторын қосқандағы мәліметтерде соңғы жылдары жедел мәліметтер түзетілген жылдық мәліметтерден түбегейлі ерекшеленеді. Сондай-ақ экономиканың бақыланбайтын секторын қосқандағы нақтыланған жылдық мәліметтер кей жылдары экономиканың бақыланбайтын секторын қоспай берілген нақтыланған жылдық мәліметтерденден айтарлықтай ерекшеленеді — мұны төмендегі кестеден көруге болады.

Жалпы қызметтердің осы сегментіндегі деректер және олардың дәлдігі (және, мүмкін, сенімділігі) күмәнді және қарама-қайшылық бар екені анық.

Сонымен қатар, экономиканың бақыланбайтын секторын қоспағандағы, ең соңғысы 2021 жылғы қайта қаралған жылдық деректер мына қызық үрдісті көрсетеді. Үш жыл ішінде (2019–2021 жж.) сектордағы қызмет көлемінің айтарлықтай өсуі онлайн сегменттегі қызметтер есебінен болды. Бұл бөлу экономиканың бақыланбайтын секторын қоспай, жаңартылған жылдық деректер негізінде ғана берілгенін ескеріңіз.

Осылайша, 2021 жылы онлайн ойын бизнесін ұйымдастыру бойынша қызметтердің көлемі 298,7 млрд теңгені құраса, 2020 жылы небәрі 2 млн теңге, ал 2019 жылы 162 млн теңгені құраған.

2021 жылы онлайн бәс тігулер 64 млрд теңгені құрады, 2020 жылы 4,4 млрд теңге және 2019 жылы небәрі 331,4 млн болды.

Салыстыру үшін: құмар үстел ойындарын ұйымдастыру қызметтерінің көлемі — атап айтқанда, казино қызметтері — 2021 жылы 21,1 млрд теңгені құрады.

2022 жылы осыған байланысты жағдай қандай болды, әлі анық емес, бірақ, мүмкін, онлайн сегменттің өсу үрдісі жалғасуда.