Оралдағы «Ястребы» хоккей клубының облыстық бюджеттен 400 млн теңге алатыны белгілі болды.

Бірақ осынша қаржы жұмсап, неге біреудің балаларын бағып-қағып отырмыз?

Бұл хоккей клубында жергілікті бір де бір ойыншы жоқ, деген ақпарат алып отырмын. Яғни, командадағы ойыншылардың бір бөлігі – ресейлік легионерлер, екінші бөлігі – еліміздің басқа аймақтарынан жиналған хоккейшілер. Бұған қоса, бапкерлер қатарында да жергілікті мамандар жоқ екен,

деп күйінеді блогер Аслан Қаженов.

Облыстық спорт басқармасы бұл ақпарат шындыққа жанамаса ма, жоқ па, нақтысын ресми мәлімдейді деп үміттенеміз. Бірақ, жел соқпаса, шөптің басы қимылдамасы анық.

Біреуді бағып-қағуға болады, егер өзімізде басқасының бәрі оңып тұрса.

Қазір осының салдарынан аймақта тамыры тереңге кетіп, мектебі нық қалыптасқан спорттық бағыттар зардап шегіп жатыр. Оған өз көзіммен көріп қайтқан шорт-трек, ауыр атлетика және балалар футболы дәлел.

Масқара. Қазір осы жағдайларды біле тұра ештеңе істелмесе, отандық спорт іріген сайын іри береді. Одан қазіргі буынның да, кейінгі буынның да көңілі қалады. Біз де айта-айта жалығамыз. Сосын қолды бір сілтейміз. Осынша қақсап жүргенім, бірдеңе өзгерсе екен, бірдеңе жаңарса екен, бірдеңе алға жылжыса деген үміт қой.

Үмітті өшірмеңдер…