Университет басшылығы ыңғайсыз жағдайға байланысты кешірім сұрады. Әрі студент қыз оқудан шықпайтын болды.

Оқиға Абылай хан атындағы Қазақ халықаралық қатынастар және әлем тілдері университетінде орын алған. Оқытушы студент қызға неліктен орамал тағып, намаз оқып жүрсің деп тиіскен.

Ұстазының тәлімгерді тергеп, оған университет ішінде намазға жығылуға тыйым салған сәтінің видеосын Дәулет Мұқаев Instagram-дағы парақшасында жариялады. Блогер намазхан студентке қысым көрсеткен әйел университеттің деканы екенін жазды. Алайда, мәселе шешімін тапқан соң, видео өшірілді.

Видеода бастапқыда оқытушы қыздан қандай дінді ұстанып жүргенін сұрайды. Ал студент өзінің ислам дінінде екенін айтады. Содан соң оқу орнының ішінде намазға жығылып жүргенін естіп, тәлімгерге ұрыса бастайды.

Неге оқисың сен? Кім саған рұқсат берді? Ешқандай рұқсат жоқ. Біздің университет религиялық университет емес. Сен онда «Нұр Мүбәракқа» түсуің керек еді,

деп жекіп тастайды оқытушы.

Тіпті журналистиканы оқитын студент болсаң да, сені ешқандай телеарна жұмысқа алмайды деп ұрысады. Одан соң оқиғаның немен өрбігені белгісіз. Намазхан қыз оқытушының осы сөздерінен кейін кетіп қалған.

Бұл жағдай әлеуметтік желі қолданушыларын екі пікірге бөлді. Бірі осындай орамал таққыштардың ертеңгі әрекеттеріне алаңдаушылық білдірсе, қалғандары дінсіз оқытушылардан аулақ болған дұрыс деседі:

Құдайсыз, дінсіз оқытушылар балаларымызға тәлім беріп жүр қазір,

Мына оқытушыны шұғыл жұмыстан шығару керек

Декан оның намысына тиетіндей ештеңе айтып отырған жоқ, сұрауы орынды

Әркім өзі үшін оқиды. Үйінде оқысын, не мешітке барсын

Ресми мәлімдемеге сай, Абылай хан атындағы Қазақ халықаралық қатынастар және әлем тілдері университеті, факультет деканының студенттермен сұқбаттық қарым-қатынасы негізінде болған жағдайға байланысты кешірім сұрады. Университет оқытушыларымен және білім алушы студенттермен тиісті түсіндіру жұмыстары жүргізілетіні айтылды. Әрі студент қыз оқудан шықпайтын болды.