Непалда соңғы 30 жылдағы ең үлкен қайғылы оқиғаның себептері әлі белгісіз. Куәгерлердің айтуынша, Покхара қаласына қонуға таяп қалған ұшақ төмен биіктікте күтпеген жерден терең орамға түсіп, халық көп шоғырланған аудандар мен базарға құлауға сәл-ақ қалған.

Yeti Airlines авиакомпаниясының ұшағы апатқа ұшыраған жерде екі қара жәшік табылды. Іздеу-құтқару операциясы ресми түрде аяқталды. ATR-72 сынықтары терең шатқалдан шығарылды.

Борттағы барлық 72 адам қайтыс болды деп жарияланды. БАҚ хабарлауынша, апат болған жерге келген құтқарушылар бірнеше жолаушыны ауруханаға жеткізген, бірақ дәрігерлер оларды құтқара алмады. Қайтыс болғандардың туыстары сәйкестендіру жүргізіліп жатқан Покхара ауруханасында жиналады.

Ұшақ жолаушыларының арасында 15 шетелдік, оның ішінде төрт Ресей азаматы болды.

Оқи отырыңыз: Непалдағы ұшақ апатында қаза тапқанның бірінің Қазақстанда тұрғаны белгілі болды.