Орман секторындағы Азиялық ынтымақтастық ұйымы – Афоко Қазақстанға ормандарды қалпына келтіруге және өрттердің алдын алуға көмектеседі.

Мұндай келісімге Сеулде мәжіліс депутаты Еділ Жаңбыршиннің осы ұйымның вице-президентімен кездесуінде қол жетті, деп хабарлайды Хабар24 телеарнасы.

Экология және табиғатты пайдалану комитетінің төрағасы Азия-Тынық мұхиты аймағы елдерінің қоршаған орта және дамуы жөніндегі парламенттік конференциясына қатысу үшін Кореяға барған. Мәжіліс депутаты басқа мемлекеттерден келген әріптестеріне Қазақстанның климаттың өзгеруіне қатысты қандай шаралар қолданып жатқаны жөнінде баяндады.

Корея өзінің орман алқаптарын қайтадан қалпына келтіру үшін осы 50-60 жылда 11 миллиард ағаш отырғызған екен. 2,5 миллион гектардай жерді орман алқаптарын қалпына келтірген.

Тренигтерді өткізу олардың технологияларын пайдалану немесе басқа да бізге қажетті мүмкіндіктерін бізге алып келіп көрсетсе немесе біздің азаматтарды шақырып осы жерде іс-тәжірибеден өткізу дейтін мәселелер талқыланды,

деді ҚР Парламенті Мәжілісінің комитет төрағасы Еділ Жаңбыршин.