Оңтүстік Кореяда мұғалімдерді ата-аналардың қорлауынан қорғайтын заң қабылданды. Бұл туралы BBC агенттігі хабарлады.
Сеулде 23 жастағы бастауыш сынып мұғалімі өз-өзіне қол жұмсағаннан соң елдегі бүкіл мұғалімдер тоғыз апта бойы наразылық танытуда. Марқұм жас қыз бұған дейін ата-аналардың тым қатыгез, шағымдарына алаңдайтынын айтқан.
Наразылық білдірушілердің негізгі талаптары мұғалімдер құқығын көбірек қорғау. Олардың айтуынша, ата-аналар 2014 жылы қабылданған балаларды қорғау туралы заңды пайдаланады.
Ал «Мұғалім құқықтарын қалпына келтіру туралы» жаңа заңда балаға зорлық-зомбылық жасады деп айыпталған мұғалім бірден жұмыстан шеттетілмейтіні айтылған. Ол үшін қосымша тергеу мен дәлелдемелер қажет болады. Сондай-ақ, сотқа тартылған мұғалімдерге мемлекет тарапынан қаржылай қолдау көрсетіліп, мектеп директорларына өз қызметкерлерін қорғау жауапкершілігі артады. Кореяның Мұғалімдер кәсіподақтары федерациясы жаңа заңын құптады. Кәсіподақ күнде көшеге шыққан мұғалімдерге алғысын білдіріп, жаңа заң олардың еңбегі екенін жеткізді.
Соңғы апталарда үкімет пен жергілікті билік мұғалімдерді қорғау және олардың жұмысын жеңілдету үшін бірқатар шараларды енгізді. Қыркүйек айының басында енгізілген үкіметтің жаңа нұсқаулары мұғалімдерге тәртіп бұзатын оқушыларды сабақтан шығарып жіберуге және қажет болған жағдайда олармен күресу құқығын береді. Сеулдің білім департаменті осы аптада мұғалімдерге ата-аналардан түскен барлық қоңырауларды жазып алуға және оларды қорғау үшін сенім телефоны ретінде чат-бот орнататынынжариялады.
Алайда кейбір мұғалімдер жаңа заңдарды тиімсіз деп есептейді. Корея мұғалімдер кәсіподақтары федерациясының төрағасы Ким Ён Со жаңа заңнамада балаға зорлық-зомбылық жасады деп жалған айып тағып жүрген ата-аналардың жауапқа тартылғанын қалайтынын жеткізді.
Жаңа заң балаларға зорлық-зомбылық жасалды деген негізсіз хабарламаларды тоқтатпайды. Осылайша, ата-аналар өздері ұнатпайтын мұғалімдерді қасақана айыптауды жалғастырады,
деді мұғалім Ким Джин Соо.
Кинематография әлеміндегі ең танымал қазақ көрші елде өте керемет жобаларды жүзеге асырып отыр, ал президент…
Батыс Қазақстан облысында су тасқынынан зардап шеккен елді мекен тұрғындары үшін 357 жаңа үйдің құрылысы…
Астана қаласының қылмыстық істер жөніндегі мамандандырылған ауданаралық сотымен «№2 және №5 нан базасы» «Астық қоймалары»…
Шымкент қаласы әкімінің бұрынғы бірінші орынбасары Мақсұт Исаховқа сот үкімі шықты. Экс-шенеунік 2023 жылдың шілдесінде тұтқынға…
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…