Саясаттанушы Данат Жумин Қазақстан мектептерінде орыс әдебиетін оқыту әдістемесі ескірген деген пікір білдірді. Қазіргі оқу бағдарламасында орыс әдебиеті жеке пән ретінде емес, әлем әдебиетінің бір тарауы ретінде оқытылуы тиіс. Бұл туралы Жумин Facebook парақшасында жазды.

Қазақстандық мектептерде әлі күнге дейін «орыс әдебиеті» пәні бар. Мен орыс әдебиетіне қарсы емеспін, бірақ біздің балалар оны бөлек пән ретінде емес, әлем әдебиетінің бір бөлімі ретінде оқығаны дұрыс деп есептеймін,

деп жазды саясаттанушы.

Оның пікірінше, Қазақстан мектептерінде әлем әдебиетін оқуға негізсіз тым аз көңіл бөлінеді. Оған қоса, әлі күнге дейін кәсіпкерлік — ұят тірлік, ал кедей болу — жақсы деген сарындағы Кеңес одағының идеологиясын үгіттеп келеді.

Әдебиет адам бойында құндылықтарды тәрбиелейді. Әдебиет өскелең ұрпақтың санасына қандай құндылықтар құйып жатқанын түсіну маңызды. Міндетті және оқуға ұсынылатын туындылардың тізімін қайта қарап, біршама қазіргі заманға сай ету керек. Әлем классикасымен қатар, заманауи ақын-жазушылардың көрнекті туындыларын зерделеу орынды деп санаймын,

дейді Данат Жумин.

Саясаттанушы Оқу-ағарту министрі бұл мәселемен айналысып жүргеніне сенімін білдірді.