Қостанайда жылу желісіндегі үзіліс салдарынан тұрғын үйлер, мектеп пен әуежай жылусыз қалды, деп хабарлайды Наш Костанай басылымы.

«Қостанай жылу энергетикалық компаниясы» МКК мәліметінше, Герасимов көшесіндегі тұрғын үйдің жанындағы жылу жүйесіне зақым келген.

20 желтоқсанда мына мекенжайлардағы үйлер уақытша жылу беруден ажыратылады:

• Герасимов көшесі, 2Б, 7, 8, 9, 10, 12;
• «Аэропорт» шағынауданы, 6, 7, 8, 9, 10, 12, 16, 17, 18, 19, 20, 28, 29, 30, 32, 33, 35, 35А, 38, 39, 45;
• Аэропорт көшесі, 1 (әуежай аумағында);
• №29 орта мектеп;
• «Қостанай» халықаралық әуежайының ғимараты.

Сағат 9.00-ден 12.00-ге дейін жөндеу жұмыстары жүргізіледі. Сағат 20.00-ге дейін олар ақауды жою жұмыстарын аяқтау жоспарланып отыр. Жылу беру сағат 20.00-ден 00.00-ге дейін іске қосылады,

делінген хабарламада.