Белгісіз жоғалып кету фактілерінің басым бөлігі  немқұрайлы көзқарастан туындайды.

Облыстық полиция департаменті баспасөз қызметінің мәліметінше,  іздестіріліп жатқан 11 адам әзірге табылмаған. Қазіргі уақытта із-түссіз жоғалған адамдарды анықтау бойынша жедел-іздестіру және іздестіру шаралары кешені жүргізілуде.

2022 жылдың ағымдағы кезеңінде азаматтардың хабар-ошарсыз кету фактілері бойынша 62 іздестіру жүргізілді. Жоғалған адамдардың  51-і табылды. Сонымен қатар, ағымдағы жылы із-түссіз жоғалған төрт кәмелетке толмағанды іздеу жарияланып,  заңды өкілдеріне қайтарылды,

деді Павлодар облысы полиция департаменті криминалдық полиция бастығы Балтабай Қапаров.

21 қараша күні анасы биыл 18 қараша күні облыс орталығындағы білім беру мекемесінен шығып, үйіне оралмаған қызын табу туралы арызбен полицияға жүгінген. Қыз бала туыстарымен араласпайтын болып шықты. Полицейлердің жедел іздестіру іс-шаралары барысында құрбысымен бірге жоғалып кеткен 17 жастағы жасөспірімді 22 қарашада Павлодар қаласында анықтады.

Көптеген  тұрғындардың арасында жоғалған адамды іздестіру туралы өтінішпен полицияға адам жоғалып кеткеннен кейін үш күн өткен соң ғана жүгінуге болады деген қате пікір бар. Бұл – жалпы қате түсінік. Мұндай өтініш беру үшін уақыт шектеулері жоқ. Адамның жоғалып кетуі туралы ақпарат полицияға телефон арқылы берілуі мүмкін,

деп атап өтті Балғабай Қапаров.

Іздестіру іс-шараларының бірінші кезеңінде жоғалған адам туралы кез келген ақпарат маңызды: оның телефон нөмірлері, ұялы телефондарының IMEI нөмірі, таныстары мен достарының мекенжайлары, әдеттер мен хоббилері, жұмыс орындары, қарым-қатынас саласы, жоғалып кету жағдайлары туралы деректер.