Юлия Пузина — фитнес жаттықтырушысы болып жұмыс істейді. Спорт кешенінде еңбек еткеніне 13 жылдан асқан. Осы уақытқа дейін бірде-бір рет ескерту алмаған қызметкер бар болғаны 10 минутқа кешігіп қалған. Сол үшін басшысы жаттықтырушыны кабинетіне қуып барып, соққының астына алған.

Ол артқа бұрылып кабинеттің есігін тарс жауып, қызды жұдырықпен бетінен ұрған. Қатты соққыдан есін жоғалта жаздаған қыз теңселіп барып, әрең өз-өзіне келіпті. Сосын басшысы түрлі балағат сөздер айтып, бұл жерден тірі кетпейсің деп қорқытыпты. Мұрнына тиген жұдырықтан қан аққан.

Соққының салдарынан әйелдің миы шайқалып, бетінің жақ сүйегі көгерген. Аяғында да жарақат іздері бар. Қазір аталған іске байланысты мекемеде қызметтік тексеру басталды.

Мекемеде аталған іске байланысты арнайы комиссия құрылды. Олар жаттықтырушыны соққыға жығу дерегі бойынша қызметтік тексеру жүргізеді.

Ал жұмысшының құқығын қорғайтын еңбек басқармасы зардап шегушіге тек заңдық тұрғыдан ғана көмек көрсете алатындарын айтады.

Бұл кәсіпорын шағын бизнес нысанына жатады. Сондықтан, оған біз тексеру жүргізе алмаймыз. Президент жарлығымен тексеру жүргізуге мараторий жарияланған. Сол себепті зардап шегушіге тек құқықтық көмек бере аламыз,

дейді Павлодар облыстық еңбек басқармасының бас маманы Ербол Сайфуров.

Қатал басшының қатаң әрекеті сотта қаралып жатыр. Ал зардап шегуші уақытша жұмысқа жарамсыз. Сондықтан да ол бастығы жауапгершіліктен құтылып кете ме  деп алаңдайды.